سيادتك المفروض لو نفذت كل الكلام ده بتفاصيله و حذافيره حتلاقي نفسك و بإذن الله بتكلم البنت اللي بتحبها على الأقل مرة بعد شوية يتظهر مشكلة "أكلمها في ايه" يعني أنت قاعد معاها بس مش عارف تقول لها إيه؟ تتكلموا في ايه بعيد عن الحب أو إزاي تقول لها كلام حلو و كده يعني إنهاردة إن شاء الله أحل لك المشكلة دي مبدأياً برضه نتفق على حاجة انت مش طول ما انت قاعد حتقول كلام حب لا تبقى غلطان جداً، أصلك حتجيب منين يعني؟؟النظام الحديث بيقول لك تتكلم كلام عادي و إرمي كلام حلو في النص، يعني شيكولاته بالمكسرات مش جبنة براميلي....طبعاً البنات لا مؤاخذة رغايين شوية، استغل النقطة دي و حاول تخليها هي اللي تتكلم، و طول ما انت ساكت و بتسمع و بتعلق بكلمتين تلاته بالكتير فانت كده الشاب الرزين اللي أي بنت تموت فيه حتسألها عن هواياتها طبعاً و بتقضي وقتها ازاي، و ايه أهم حاجة بتعملها اليومين دول و كده يعني...و طبعاً بلباقة تخش من موضوع على موضوع و كده و طبعاً لما تقول لك على اللي هي بتحبه قول لها:"آه فعلاً أنا أعرف إن الناس الرقيقة بتحب كده" أو مثلاً "دي حاجة أنا بحب اللي بيعملها جداً" و طبعاً انت هنا بترمي على معنى معين...و ده حياخد وقت طوييييل أوي على ما هي تخلص كلامها...و فجأة حييجي دورك. نصيحة لله يعني تبقى مجهز إجابات الأسئلة المتوقعة بعد شوية و يمكن بعد كام مرة حيخلص الكلام ده يبقى مطلوب منك إنك تحكي على مواقف مريت بيها و كده
و هنا بقى انت حتدعي لي جداً و البنات حتدعي عليا جداً جداً
لو مش عارف تكلم ( اى بنت معجب بيها ) حلك عندى, وياريت اعرف رأيكم
موضوع: لو مش عارف تكلم ( اى بنت معجب بيها ) حلك عندى, وياريت اعرف رأيكم 
السبت فبراير 16, 2008 12:47 am
